Latinu | Unificada | Porru | Lepori | Connottu | Spagn. |
---|---|---|---|---|---|
sum | so | seu | seu | seu | soy |
es | ses | ses | ses(i) | sesi | eres |
est | est | est(i) | est(i) | esti | es |
sumus | semus | seus | seus | seusu | somos |
estis | seis | seis | seis | seisi | sois |
sunt | sunt | sunt | funt(i) sunt(i) | funti | son |
20100913
Taula 01 - Su verbu ESSI
Comenti si podit biri in custa taula, su Sardu no est unu sceti; si chi connosciu deu est unu campidanesu poburu, ma assimbillat meda a su de Porru e su de Lepori, contrariamenti a cussu unificau, annaroni, ca est pari-pari unu logudoresu.
Iscriviti a:
Commenti sul post (Atom)
happu fattu unu penzamentu ma esti cummenti chi siada ispadessiu o GIORGIU si podidi isciri chi t'esti arribbau s'atru arrescionamentu chi happu fattu?
RispondiEliminacaru GIORGIU ti fazzu is complimentusu po custa bella novidadi aicci podeusu arrescionai e abbetiai in sadru sighi a fai is cosasa beni fattasa ca sesi picciocheddu futu e studiau aicci feusu diventai su campidanesu poburu arriccu meda!! ...speru de no essiri fattu meda
RispondiEliminasbianchimentu cun sa grammatica.. a si biri allestru e cun saludi!
ps
po su penzamentu de prima no t'indi incurisi happu sbagliau deu s'accaunt...
Benibenìu, ASI', amigu caru. T'arrengatziu meda di essiri bénniu (o benìu, bai e cicca cali adessiri su prus giustu).
RispondiEliminaSi chi mi fait feli esti ca custa nosta lingua campidanesa dda chistionausu chen'e difficoltadi, ma candu si toccada a scriri, no sciueus prusu a cali patti si'nci ghettai!
Du i funti cussusu (Lepori, ma Sarvatori Vargiu puru) chi di s'hiat a praxi (assumancu cun sa "X" de "coxina" hemus'a deppi esseiri totus diaccordiu) a imperai sa littera "ç" po su sonu de "Quartuççu", e sa littera "j" po su nomini tu "Jusepi", "jogu", ma non po scriri "Gironi" o "abromigiu".
A mei custa cosa non mi cunvincidi propriu po nudda.
Atrusu, cumenti a Bissenti Porru, nanta ca su campidanesu chi cistionausu nosu esti una cosa de gentixedda, e ca is istudiaus deppinti nai "nos" e no "nosu", "bessit" e no "bessidi", "sardu" e no "sadru" e atras cosas meda.
Po immoi ti saludu.
A si biri cun saludi.