Futu-a, aggettivu, de cosa o persona chi balit, beni formada e utili a sa bisongia: custa est cosa futa; su tali est s'unicu futu.
Fueddu pagu presenti in is dizionarius; non s'agatat in su Wagner e in su Porru, cumparit in Internet in su DULS de Antoninu Rubattu (futtu: abile, accorto, avveduto, valore) e in su DitzionariuOnline (fútu, nm, agt chi o cosa chi est de valori, chi giuat, chi bàlidi).
Nudda scieus de s'etimologia de custu fueddu. Hiat a podi essiri una forma contratta de su latinu versūtus (scaltro, abile, accorto, ingegnoso) versutus-sutus-futu, chi d'acostat a s'italianu versato (esperto, scaltro).
