E seusu a igustu puntu, ca no seu siguru de nudda de si chi happu scrittu, ni chi is fueddus chi imperu sianta fueddus sardusu o de atra linguasa, strupiausu po parri sardusu, ni chi si scrianta e s'imperiti diaicci.
Custu esti su Sardu chi chistionu deu, iscrittu cummenti du connosciu e chistionu deu, chi no sciu scriri su sardu e du scriu cummenti chi fessidi Italianu.
Cussu, s'Italianu, gei mi d'hanti imparau, e beni puru, creu. A iscola, ma de prusu in sa televisioni (fueddu budru, ma po s'ammarolla), e mi praxidi puru, e meda! Chi nu fessidi po s'Italianu de Dante e de Manzoni, s'Italia iadessi abarrada su nomini de unu logu; si Mazzini essi chistionau su Francesu, immoi è facili chi Bossi fiada cicchendi de ci bogai i tedescusu de sa terra sua.
Su Sardu hanti ciccau de si du fai scaresci in donnia manera; prima is ispagnolusu, ladronisi, cun is predisi, ponendi po lei ca no si podiada fai prusu sa missa in Sardu; a pustisi is italianusu, prus de tuttusu i fascistasa, ca po accappiai "su fasci" tenianta abisongiu de pettiasa tottu parisi, e cussa sarda fiada un pagheddu arrevescia.
Ma finasa ai cussu puntu si salvada s'ignoranzia; po essi analfabeta (atru fueddu non sardu) una lingua bali s'atra, e si lassanta chistionai su Sardu. Dopu sa guerra (si liggidi: gu-erra) esti pattia sa battalla manna, po fai sparessi su Sardu de sa facc'e sa terra, fadendi bregungiai mannusu e pipiusu de sa lungua de is aiaius.
Custu non du podeusu permitti: cummenti faisi a sciri chini sesi chi no scisi de aundi benisi? e cummenti faisi a sciri de aundi benisi chi no cumprendisi si chi nanta o si chi hanti scrittu is chi ci fianta prima de tui.
Sciu de sempri (o si narada sempiri) chi no seu bonu (bellu mod'e nai nostu) a scriri su Sardu, ma cust'otta ollu provai. Scriendi, liggendi, e, mancai, connoscendi atrusu (mellusu: atturusu) chi dis praxidi accettottu.
p.s. ci funti fueddus currigìus po cosas chi happu cumprendiu a pustis de du du essiri scritus
p.s. ci funti fueddus currigìus po cosas chi happu cumprendiu a pustis de du du essiri scritus
Deus grazias, s'esti acciuntu un'attru, cummenti a mei, a issu puru su no sciri iscriri su Sadru, di movidi is intranniasa, e ciccada po s'ammarolla de du olli iscriri po no di scaresci, po podi lassai su fueddu antigu in doti ais proprius fillusu.
RispondiEliminaMa che esti berusu ca sa lingua sadra esti ( sovvenzionata )de sa comunitadi europea, custu dinai chi arribbada po no perdi sa lingua antiga, a chini arribbada,cummenti enidi imperau?
Ciccheusu cantu mancu, de chistionai su sadru cantu prusu, cummenti a fattu Gianfranco Zola su chi giogàda cun sa boccia, (intervistau in televisione)prima arrespundiada in sadru, luegusu (tradusiada in italianu), arregodendi puru ca dogna lingua cambiada cun su cambiai deis tempusu desinunca fueddammusu tottu cummenti neandertal.
Beni beniu! Non abarrisi anomimu, faidì connosci, mancai siada cun d'unu allomingiu, o unu nomini imbentau.
RispondiEliminaIs chi cambianta funt'is linguas bias, ca i motasa no dasa sumbullada prus nisciunus.
Deu, cumenti a tui, mi seu arrosciu da abetai e mi seu arremangau. Funt'annusu chi scriu in i blog in Italianu, lingua chi amu cun totu su coru e totu su sentidu.
Hapu sempri scipiu de 'ndi tenni duasa, ma una d'hemu posta a'na pati, po brullasa o po fueddai mali. Cust'ota hapu deçidiu de cumenzai a scriri e a studiai, e cumenti hastessiri potziu biri, esti cosa dificili meda.
Poita ca no si ddu imparada nisciunusu su Sardu, e candu ti ponisi a ligi agatasa a chini narada una cosa e a chini narada su contrariu.
Cando cicasa de scriri andausu de mali in peusu:
est o esti?
hapu o appu?
bosatrus o bosatrusu?
E custu si oleusu abarrai in Campidanu, de chi no sa cosa esti peu puru.
Amigu nou, torra luegusu ca 'nd'arrexonausu impari.
Saludi.